Is i dteannta a chéile a thógamar an Eoraip

Nach é an dóigh is fearr le stair an Aontais Eorpaigh a mhíniú ná dul siar chuig an tráth a cruthaíodh é? Sa tsraith seo de sheacht bhfíseán, ina bhfuil an cúlra deartha le gach ré ar leith a léiriú, caitear súil siar ar na fíricí agus na himeachtaí is suntasaí i stair an Aontais Eorpaigh, ón uair a bunaíodh é sna caogaidí go dtí an lá atá inniu ann.

Is féidir teacht ar na fotheidil i 24 theanga faoi gach físeán ar thaobh na láimhe deise. Go n-éirí an turas leat!

Bí linn agus rachaimis ar aistear siar go dtí na 1950í – tréimhse nua síochána, comhghuaillíochtaí eacnamaíocha agus comhar trasteorann san Eoraip.

Tabhair Saoirse na Seascaidí chun cuimhne in éineacht leis an Aontas – tréimhse fáis eacnamaíoch agus comhpháirtíochtaí faoi bhláth, ach tráth agóidí mac léinn freisin.

Féach leat an chaoi a raibh an tAontas sna 1970í – é 100% réidh chun dul i dtreo Chomhphobal uile-Eorpach níos mó – nó Aontas – de réir mar a chuir na 6 bhall bunaidh fáilte roimh Bhallstáit nua.

Ba iad na 1980í an deacáid inar tharla cor cinniúnach na teicneolaíochta, sin agus mórthubaistí éiceolaíocha agus daonna arbh í gluaiseacht dlúthpháirtíochta dhomhanda an toradh orthu. Lean an #EU ar aghaidh ag troid i gcoinne neamhionannais i measc réigiúin an chómhargaidh, chuir sé fáilte roimh an nGréig, an Spáinn agus an bPortaingéil agus bhunaigh sé bratach an Aontais.

Solas a chaitheamh ar na 1990í, a bhí spreagúil agus dúshlánach – deacáid inar tharla lánpháirtiú breise san Aontas, inar cliseadh ar an Aontas Sóivéadach agus inar tugadh airgeadra an euro isteach.

An bhfuil tú réidh le dul siar go dtí na 2000í? Ó Phrótacal Kyoto go dtí an ghéarchéim airgeadais, bhí an deacáid sin lán de dhúshláin agus d’éachtaí.

Féachaimis siar ar an am atá caite againn le déanaí: na 2010í. Ó ghéarchéim na ndídeanaithe go dtí RGCS agus téarnamh airgeadais – tá go leor le plé!