Do chéad eachtra iarnróid le DiscoverEU

An bhfuil tú 18 mbliana d’aois agus an bhfuil cónaí ort san Aontas Eorpach nó i dtír a ghlacann páirt in Erasmus+? Má tá, faigh réidh le haghaidh aistear eisceachtúil le DiscoverEU! 

Cuireann DiscoverEU deis iontach ar fáil duit tabhairt faoi eachtra Eorpach atá lán de chultúr, de stair agus d’oidhreacht. Trí thaisteal d’iarnród, rachaidh tú trasna tírdhreacha iontacha agus cuirfidh tú aithne ar an iliomad cathracha agus bailte, agus meascfaidh tú le daoine ó gach cearn den mhór-roinn. 

Má roghnaítear thú, beidh an deis agat taisteal ar feadh uasmhéid de 30 lá. Gheobhaidh tú Cárta Óige Eorpach DiscoverEU freisin a chuireann lascainí ar fáil ar aistir chultúrtha, ar ghníomhaíochtaí oideachais agus eile! Má bhíonn aon dúshlán agat a bhaineann le míchumas nó sláinte, cuirfear an cúnamh agus an tacaíocht ábhartha ar fáil duit go héasca. 

Cuir iarratas isteach idir an 16 agus an 30 Aibreán Ná caill amach ar an deis iontach seo!